AMBYAR

AMBYAR

Ora ana aturan

Kabeh laku miturut karepe dhewe

Endi sing korupsi ra ana enteke

Lan sing maling ra ana lerene

            Kutha iki wes reged

            Amarga kena tangan-tangan reged

            Tangan kang sakepenake maju

            Maju tanpa ngelingi liyane

            Sing wis misuwur lali ngisore

Wit-witan ing alas kuwi njerit

Ora trima yen kanca-kancane digondholi

Nangimg sing nggondhol pancen ora ngerteni

            Bumi nesu

            Amarga dheweke dilarani

            Sing urip ing ragane padha dipateni

            Liyane dicekel lan dikurungi

            Pancen ora dhuwe ati manungsa iki

Negriku ambyae, kabeh bubrah

Lan aku ora isa nyegah

Wong gedhe padha polah, sedulure sing oleh berkah

Wong cilik tetep susah

Pancen ora genah